يا راكب ملحا تكب الشدادي
عملية ما هي بتمشي على هون
مثل الظليم الى جفل مع حمادي
اقفا وقلبه حروة الدحو مشطون
تقطع سماهيد الديار البعادي
والعصر وانتم عند عكاش تلفون
يا اخو هوي يا القرم وين انت غادي؟
ودي على جال ارفايع تبنون
باالحاجر المنقاد مع بطن وادي
فوقه دواوير على العد يردون
حزت طلوع الشمس وقت المقادي
من حين رعيان البوادي يمدون
تسمع لسبر القوم حسه ينادي
عاين وهو باالرجم لا الجو مقطون
يقول شفت الطرش دونه نكادي
غوش على شهب الغوارب يعنون
تلقا بهم من قال كب السوادي
وارجي عساهم باالزماميل يلهون
عند الركاكيب يوم صار الطرادي
والي تقنطر سابقه طاح مطعون
وراعي فريحه فيها قيادي
يثني مثل سبع الخلا لا تذلون
