الا يامن قلبٍ كل ما جاء الليل جاه اخلاج
يلوج ويلتوي بالجاش من شي تورّج له
اعاني من عنا جرحٍ خفق بين الضلوح ولاج
عرضته للطبيب اللي مدحتوا ما تخرج له
دريت انا الهوى يشر جروحٍ مالهن علاج
الى زاد الغلا واللي تسوده قاصرٍ رجله
يخاف من العيون الشامتة وكذوبة الهراج
اليا جاء الصبح هراج القفا يكثر بنا دجله
انا اباصبر عسى بالصبر لو طال الفراق افراج
على شانك وغيرك ما سهرت الليل من اجله
على شانك ومن شانك حياتي بالحياة احراج
عسى قلبٍ شبكته بالهوى ربي يفرج له
