سلام يا شيخ على الحكام صيته رفيع
لين اصطفق في نجد تسكن عقب زلزالها
نمشي براي الله ثم براي ابو الجميع
عبدالعزيز اللي ملك نجد وحمى جالها
لي جا نهار للجنايز فيه مثل الصريع
يمن جوانبها ويقعد ميل عيالها
كم راس راس عاصي عقب الصعالة يطيع
سلطان نجد وهقوته محد تهقوى لها
واثنى على اللي بالملاقا للسبايا وديع
سلطانا لي كبرة القالات شيالها
عبدالعزيز ان باعوا الشيمة هله ما يبيع
لاستصعبت يحلها ويخلص اشكالها
حنا هل العادات وانا اللي نفك المنيع
كم دولة صالت علينا وارتكينا لها
يالابتي هرج على غير الصمايل يضيع
ماكل من رام الثنا والطايلة نالها
من ذل منا في نهار به يشيب الرضيع
ودك يعقب في المجالس عنه فنجالها
واللي وقع بنحورنا في الهوش ماله شفيع
حنا هل العوجا هل العادات وانا لها
