اشتقت لك يا ديرة الحب والخير
اشتقت لك والشوق زاد اتساعه
يانجد ياللي لك معزه وتقدير
لك الغلا والحب ما له مناعه
الروح عندك والجسد في يد الغير
وفكري معك يزداد شوق اندفاعه
مهما أبعدتني عنك شف المقادير
والله ما أدله وأبتعد عنك ساعه
الناس حولي مالهم أي تأثير
مغير افكر في الاهل والجماعه
أنثر غلاي بنظرتي في المشاوير
يا نجد فيك العمر وأغلى وداعه
حبيبةٍ تزهى بحلو التعابير
حبيبةٍ لعيون قلبي متاعه
من قبل ما تحبي على الارض وتسير
حبيتها بأيام سن الرضاعه
أشوفها في كل شيٍ لي يصير
قدام عيني شوق فلت شراعه
وارسل سلامي كلما مرني طير
لها وشوقي زاد فيني اتساعه
