سقى الله روضة التنهات روضة كاسب الطولات
بسيل في عروض العرق الاعلى بانت حدوده
عليها النو صلّب واستجل وفيّض التنهات
حباها الله بسيل بيِّنٍ عند العرب زوده
وعلى شوفه بمنزالٍ نزل به كبرت الهقوات
يريفون العرب والقوم من فضله ومن جوده
الى من حل بأرض شاجرت لو انها مظمات
ومن باكر تشوف السدر فيها مورق عوده
ابو فيصل فهد فهد العرب لاكبرت القالات
عواقب راي سيد جملة الحكام محموده
معه رايٍ حكيم يضبط الأوضاع بالأزمات
تجارب بيناتٍ والتجارب صادق شهوده
ابو فيصل فهد كل العروبة عالي الهمات
نصره الله ونصره من فضل ربه ومعبوده
بعدله والوفا والطيب والله كامل الشارات
مواقف سيدي لو تنحصي ماهي بمعدوده
عقب ما اخضرَّت الفيضه وزان البر والطلعات
عسى ربي يهني راسه بقصده ومقصوده
اقوله واعرف ان الطيب مايؤخذ على المشهات
وهبه اللي فرق حد الليال البيض عن سوده
