هات القلم واكتب عن تراث الاجداد
اليوم جاء لتراث الاجداد سيره
لتراثنا في منبع العز ميعاد
نشاهده في عاصمتنا الكبيره
رياضنا صرح المعالي والامجاد
ام الثقافه.. والعلوم الشهيره
للمعرفة والعلم مصدر.. وميراد
عاش الرياض.. وسلم الله اميره
سلمان كساب الثناء.. قرم الاولاد
ولد الزعيم موحد ارض الجزيره
عبدالعزيز الفيصلي ضد الاضداد
عزز اركون الدين.. والله نصيره
واليوم يا ماضي تشاهدك الاحفال
ابن الوطن شوفك يريّح ضميره
صوره من الماضي للاحفاد تنعاد
تحكي تراثٍ ماضي لكل ديره
هاذي حرفنا الماضيه كنها جداد
لحفظها قامت رجال جديره
وهاذي ميادينٍ بها هجن.. وجياد
سباقها يجذب جموعٍ غفيره
وبيت الشعر مبني على اوتاد.. واعماد
ويزهاه مجلاس الوجيه السفيره
وشوف الدلال اللي بها بن.. وقناد
على وجار النار صوره مثيره
وللفن روادٍ.. وللشعر رواد
السامري.. وايضا فنونٍ كثيره
ويالله ياربٍ لك الخلق سجاد
ياواحد مافيه معبود غيره
تحفظ ملكنا اللي على الطيب معتاد
فهد تجاه الخير قاد المسيره
مكارمه بانت على روس الاشهاد
على امة الاسلام ياكثر خيره
وصلاة ربي عد ماحن رعاد
على رسولٍ ما نخالف مسيره
