أول طلبت الله عدال ما مال
علام ما يطري او ما جاش بالبال
يعزكم يا مير بالدين عزكم
ويعز فيصلنا عزيز الجال
عزيز من اصله شامخ الظل والذرى
يلقا بجاله ما بعد ينهال
ويبقيه للاسلام ذخر واضح
كلن يشوفه والسماء منجال
نجم على العدوان لاهد ممتنع
وعلي صديقه كل مطر همال
ويراقب المعبود في عالي السماء
ويمشي على امره في جميع اقوال
يمشي على درس من الله نازل
فرقان نزله الكريم انزال
ذي شارت الاسلام وسنة نبينا
ومن تابع السنة فهو ما مال
وحنا اعيال الحزم صف واحد
نمشي بصف الى لنا سربال
سربالنا عن واهج البرد واللهب
فيصل ملك شيباننا وعيال
حنا نحبه والخلايق اتحبه
الله يشهد حبنا له عال
قولوا معي الله يعزه وينصره
علي اليهود اخباثها وحثال
المسجد الاقصى تلوث باثارهم
او لابد من يوم يصير ازلال
انتم هل العوجا الى قوض الدخن
الى صار في ذاك النهار اظلال
واعتصموا للاسلام صف معتدل
ماواحد يقصر قيد عقال
وبا اميرناارحب بحضرة سموكم
ترحيبة الممحل ابنوا خيال
ترحيبة الممحل الى شاف بارق
برقه تكانح والرعد زلزال
وختاركم فيصل وهو منك واثق
انك عضيد له بكل الاحوال
ولا يقلط من قوم الا خيارها
ذي كلمة قلتها وهي تنقال
اهني فهد برجال عز ومعزة
اهل القصيم ارقاقهم وجلال
وهني القصيم اوكل من به ساكن
ابشيخ عريب بالنسب والخال
بوادره بانت علينا جميلة
اول بوادره للعقد حلال
يحلها من طيب طيبه او منسبه
وذي عادة الطيب ابكل مجال
ويامير كل الرس هلا اورحب
ونا الذي رحبت بك بمثال
عني ابو عنهم وانبقا في جنابكم
انتم لنا عون اوفيك امال
اقول انا هذا ولا نيب شاعر
ابالغ ابقالاتي مثل من قال
وختمها يالله صلاة على النبي
اعداد مافي الضحا ينزال
