يا الله يا معبود يا خير معبود
يا عز عبد بالحفنة شكاله
يا خيّرٍ مدك على الناس ما جود
ما خاب عبد يوم كل يسأله
تاسف لقلب به مجاريف ولهود
ومن الرفاقة ضيق الهم باله
اللابة اللي طاوعوا شور محمود
مدري بلاهم غيض والا جهالة
والا بلاهم فينة الحظ وحسود
ليا عاد ما احدٍ خاسر من حلاله
اللي بحياته ما ادرك الطيب والجود
ولا صار هومات المراجل بباله
هذاك لا يذكر ولا هو بمفقود
ودك مع الخفرات يلبس دلاله
والمرجلة حبله طويل وممدود
اكود من تقصر عن الما حباله
واللي قصر حبله فلا هو بمزيود
كم واحد يهفي مقاله افعاله
يا مشير بالفرقا طلت وجهك السود
دروب المراجل ما عليها كفاله
واللي يريد الطيب ما هو بمردود
شوف العيون ولا يعوزه دلاله
يرخص بعمره ثم يروي شبا العود
الا ولا يشح في دفع ماله
يا العبد لا يطغيك في نفسك الزود
دنياك مثل الظل عجل زواله
دنياك لو تعطي مواثيق وعهود
خوانة ما يا من العبد جاله
الا ولا دامت لكسرى وداود
كم نفدت حي سمعنا افعاله
