وش للعنا فيني ووش لي أنا فيه
حبٍ مضى وشلون تبرى جروحه
ما دام أعز الناس يقفي واناديه
حار الحكي ما بين سرّه وبوحه
وانهالت الدمعه من عيون مغليه
يا دمع يكفي والتمس لي سموحه
يا قلب باعك وانت لليوم شاريه
تنوح ليلك في ليالي مزوحه
بذلت كل أيام عمري وانا ارجيه
يخطي وانا له بالخطايا دموحه
أخفيت وجدي في خفوقٍ يناجيه
وانهيت لاجله رغبةٍ له جموحه
طاع العواذل بس ربي يهنيّه
واحزان تشقى بين جيَّه وروحه
