راحت سنين العمر.. والقلب مخدوع
يا مزيّف الاحساس.. ودك طويناه
ما انتب على طبع الوفيين مطبوع
وكل واحدٍ ضايع.. الا ضاع مبداه
لا تعتذر.. لي كل ما مر مجموع
بالبال.. وصعب لو تراضيني.. انساه
حبل المودة بيننا صار مقطوع
وانهد من طعنة قفا.. ما بنيناه
والله ما اقبل عيشة الهم بخضوع
ما اسامح اللي عن دروب الوفا.. تاه
ناديت.. وادري.. عالي الصوت مسموع
لي مطلب.. وارجوك بالحال.. عطناه
افراقنا امر من الله مشروع
من باع.. بعت.. وفرحة العمر.. فرقاه
نصيبنا هذا.. وما كان مدفوع
اقدار.. ورب الناس كلٍ تولاه
