يابوحمد عزالله الشعر ينعاف
كله عقب متصنعين القصايد
عقب التقدم صار يرجع على أخلاف
الشعر صار بنقص ماهو بزايد
ياستاذ كل صار شاعر وسياف
يقص في شعره غلاظ الحدايد
له واسطة في كل صفحة ولا خاف
ويقول عاد أن المحرر محايد
يحطله صفحة وصورة على أغلاف
وشلون عاد مقدمات الجرايد
مدحٍ وذم ولعن وأكذاب وأحلاف
لا مستفيد ولا بشعره فوايد
ما يدري أنه ضاع عن كل الأهداف
يرمي ومن جنب الهدف غير صايد
ويقال شعرٍ حرّ لا وزن لا قاف
وكلٍ على باله نظم له فرايد
لصرت ما كتب شي يقرأ وينشاف
لا خير لو ذكري مع الناس سايد
وأشعارنا اللي سجلت ماضي الأسلاف
يابوحمد راحت بسوق المزايد
