سجيت مع ذكرى السنين القديمه
اللي لها بالنفس عندي مكانه
لقيتني حملت نفسي ظليمه
وظلمت قلبي بالهوى في زمانه
حطّيت له عندي معزّة وقيمه
تروي حناني واغدرت في حنانه
خسارتي من شان عينه غنيمه
برجوى الوهم أرفع مع الخلق شانه
أبي مثل وافي تبادله شيمه
كل الوفا ما بين حب وأمانه
وأشوف غيم العام يزداد غيمه
وحفظت عشقٍ قلبي العام صانه
واليوم عندي للوداع العزيمه
من خان جاه الوقت باكر وخانه
