ماني غريب اطباع بالعكس عادي
أحب وأكره وأترفع عن الذل
أقدر وأقدر واحتفظ بالمبادي
وازرع بدال الشوك في واقعي فل
واهزم شكوكي في شجاعة وكادي
واحاول القى حل.. للي بلا حل
يمكن أكون أحيان شخص انحيادي
حيث اني أرفض.. ليش.. قلي.. متى.. وهل
وادري بسوالف من يبون انتقادي
الزول دايم لا شرقت يتبعه ظل
تقصر كثير اشناب دون امتدادي
يزعل علي الكل.. ولا رضى الكل
ما عاق مسرايه كثير السوادي
ولا قل عزمي في مساري ولا كل
عندي هدف.. لاجله بذلت اجتهادي
لو طال دربه ما تخاذل ولا أمل
إلا إذا.. يحتاج بوس الايادي
لا والله إلا وقتها قلت له.. ول
ما هين نفسي لاجل أحقق مرادي
ما هينها مهما طغى الشح والقل
لو شح وقتي ما تموت المبادي
عزت (حصير) ولا مهانه على زل
