طاح المطر والجو توه لنا زان
وين النشاما أهل العلوم الجزيله
نبي لنا سجه مع البيد ياخوان
ننسى بها بعض الهموم الثقيله
ترى طراة النفس ذا وقتها حان
فرصة تساوي بالف ليله وليله
الغيث شوفه يا عرب يجلي الاحزان
ومشي معه يبري النفوس العليله
يالله مشينا ثم ناقف امسيان
بارض تراها بالثراء ملتقي له
ونشب نارٍ فوقها دلال رسلان
من قوفنا برقٍ تلاعج نخيله
قلته ونا للتمشيه صرت ولهان
والعمر رايح والليالي طويله
