يا كثر ما حبك ويا كثر ما غليك
يوم الغلا من نبض الاحساس نابع
تذكر بوقته يالغلا ويش اسميك
ايام ما كان.. الوله والمرابع
غلاك ماله حد ماني بناسيك
مؤمن بحبك والقدر شي واقع
لا تنشد ايامي عن ايام ماضيك
خل الطعون وخل عنك المراجع
ياما انتظرتك لين طالت لياليك
وقصايدي غنى به.. الحزن ساجع
ما هزني شوق مثل شوق طاريك
توك تجي عقب احتضار المواجع
ليتك رحلت ولا نجرح قلب مغليك
طلتك في وجهي مثل صبح فاجع
