باقي ثلاث أيام يا عيد للناس
وترسم لهم لوحة فرح لك جديده
إلا أنا راسمك صوره بقرطاس
لوّنت منها واقعي في قصيده
عبّرت بحروف الأسى صمت الأنفاس
وارسلتها لابو حمد بالجريده
صعب اعترف والفكر حاير به الياس
وصعب اهتني والروح مثل الفقيده
وكيف ابتسم بالعيد يا عيد باحساس
مرهون باللي ديرته لي بعيده
كني سجين فرقدام حراس
صكوا عليه وكلبشوه بحديده
وإلا كما أعمى كتب وسط كراس
ممنوع ثم ممنوع جمله مفيده
وباقي ثلاث أيام وتعيّد الناس
إلا أنا يا عيد هذي أكيده
