العيد عاد الله علينا يعيده
عيد الفطر بالخير يادار لك عاد
عسى يعود سنين وأنتي سعيده
يا مملكتنا وفخرنا دار الأمجاد
يا دوحةٍ للدين وحدك فريده
يا قبلة الاسلام عزوة هل الضاد
خير تعيشينه لك الله يزيده
الخير من رب المخاليق يزداد
الشرع قايم والمواقف حميده
والشعب سوّر الدار بوجيه الأضداد
وكل ايهني لألفا العيد سيده
وأسيادنا آل سعود من عصر الأجداد
أهني اللي عزّ الاسلام بيده
فهد العرب عن خدمة الدين ما حاد
أمره نطيعه لاومر ما يعيده
شعب الوفا خلفه جماعات وأفراد
وعبدالله المحبوب عزه عضيده
ولي عهده للوطن درع وإسناد
وسلطان لجل الخير ماله يبيده
عن الضعيف وشاكي الوقت نشاد
لهم الولا والحب زايد رصيده
ما نقّصه مبغض وجاهل وحساد
فضل الوطن واجب علينا اتعديده
حق على كاتب وراوي وقصّاد
وحق الوطن ما هو علينا قصيده
كتبتها من قلب والقاف منقاد
ويالابس للعيد غالي جديده
جدد طريقك وانصح النفس بجهاد
اللي فهم يتبع طريق يفيده
واللي ظلم نفسه تبع درب ما فاد
نصيحة للكل في يوم عيده
يالله عساه سنين بالخير ينعاد
