كثر غلط سالفتك ارجوك تقطعها
الى هنا وبس هرج.. كفاية كفاية
للناس يا راعي الهرجة مسامعها
وبالناس للهرج بياعة وشراية
لا صار هرجتك ما تقدر تسنعها
الصمت لك فيه خير وستر وحماية
من لا وزن كلمته قدام يطلعها
ما ردها لا غدت للعالم حكاية
يوحيك ناساً على الطاير توزعها
لهم ورا نشرها بالمجتمع غاية
ولا عاد يمديك لا راحت ترجعها
وتزيدها الناس زود علوم ودعاية
كلمة تحس الشعور وتجرحه دعها
كم كلمة سببت نكبات وجناية
كم كارثة مجتمع تفجع فواجعها
صارت والأسباب كلمة رايحة جاية
