يللِّي تعودّت المسبّه والأحقاد
ياليت تفتح للنصيحه إذانِك
كان أنت للتوبه مع الخير نشاد
شهر رمضان الخير فرصة زمانِك
إسمع كلام اللِّي له الخلق سِجاد
وإترك كلام اللِّي على الشر عانِك
غِيبه أو نم أو ذم بعروض الأجواد
عن نافخين الكِير نظِّف مكانك
جنب طريق اللِّي به النِصح ما فاد
في حضرتِك يمدحك وإن قمت خانِك
ترى إذنوبك بالصغيرات تِزداد
وعن المثل تدري إلسانك إحصانِك
نصيحةٍ من قلب للنِصح مِعتاد
لا صِنت منطوقِك عن العيب صانِك
