باسم الإله العظيم منزل أياته
البادي الله ونبدابه بدايتنا
لله نصوم ونقوم لكسب مرضاته
والحمد لله على منهج شريعتنا
يا مرسل المصطفى خاتم رسالاته
هادي ومن هدي هديه جت هدايتنا
يا الله تحفظ مقام الدين وحماته
وانك تثبت على شرعك حكومتنا
وتحفظ فهد والفهد يعرف بوقفاته
نعم فهد والفهد قايد مسيرتنا
فهد فهد والفهد يعرف بهباته
يدري بها اللي سمع بأمجاد دولتنا
الشرق والغرب ما تنكر اسهاماته
وكل الدول من حكيم الرأي هابتنا
وكم دولة نادته وارسل معوناته
يعطي ولا يلحق المنه عطيتنا
نفخر بعهد الفهد واعظم انجازاته
خلا البداوه تجاوزها حضارتنا
شف غرسة اللي غرس يحمل شهاداته
بالعلم علا على السنة منارتنا
الكعبة الطاهرة تشهد بمداته
وتشهد جموع الحجيج بطيب خدمتنا
ومسجد رسول الهدى وسع مساحاته
والأمن والخير عم بكل ديرتنا
يا الله تنصر سيوف العدل ورعاته
اللي بهم ترتفع بالعز هامتنا
ولي عهده نفاخر في سياساته
ونفخر وتفخر بوقفاته عروبتنا
بحرٍ تلاطم على النخوة محيطاته
يرسي وترسي على موجه سفينتنا
بادر من أجل السلام وكل فقراته
فازت بتأييد قادتنا بقمتنا
الوضع ما يحتمل ونشوف نكباته
من يوقف الزحف يوم القدس نادتنا
وقلت السلام الشعوب أولى بحاجاته
وحقوق الإنسان طبعٍ في غريزتنا
ويوم اظلمت وادلهمت تاهت سراته
بينت للعالم الغربي ريادتنا
نادى بصوت العقل والعدل جولاته
وقال أبشري ما نسينا يا قضيتنا
حدد ملامح هدفنا في زياراته
ورسخ وضوح الحقايق في علاقتنا
العدل في كلمته والحلم بسكاته
خلا جميع الدول تطلب صداقتنا
صرح وقال الصحيح وبين اثباته
وقال الشريعة بها تبقى ولايتنا
ما هيب نهضة بلدنا في عماراته
حنا مكانة بلدنا في عقيدتنا
ومن يقتل الأبريا نرفض موالاته
ما هوب منا ولا يدخل رعيتنا
ومن يتبع الحق نسمح لك غلطاته
ومن جنب الحق ما يحلم بصحبتنا
ومن شن بأعلامه المغرض وحملاته
الحقد بقلوبهم من زود نعمتنا
ما همنا لو تباها في دعاياته
حنا على الدين والتوحيد سيرتنا
ما نقبل الذل والعايل وعيلاته
نفخر بتاريخنا نفخر بسمعتنا
العز بوجودنا تكبر مضاهاته
ثقافة المجد والشيمة ثقافتنا
ما نقبل الشر وأهل الشر وجناته
دايم نحرص على الحكمة صحافتنا
العاقل المتزن يعرف بكلماته
وتهويل الأحداث ماهي من شهامتنا
يا سيفنا اللي يبيد الظلم بهواته
يا عزنا يا سندنا يا ذخيرتنا
شل بيرق العز وارفع فوق راياته
يا صاحب العزم نرفع بك عزيمتنا
والشعب مخلص ومنه وفيه قاداته
نضاهي الكون والعالم بوحدتنا
شعبٍ يفاخر بأبو تركي وصولاته
الحق عادةوقال الشرع ملتنا
يا طيب ذاك البطل يا كبر هوماته
لولاه بعد الإله الوقت شتتنا
يا بعد عبد العزيز وبعد نظراته
تقصر عنه نظرة العالم ونظرتنا
وحد حدود البلاد وجمع شتاته
وصارت مضارب مثل وحدة جزيرتنا
على دروب العدالة كل غزواته
قصده يحقق على الإسلام رفعتنا
مواقفه تتعب التاريخ ورواته
اللي رفع في دروب المجد رايتنا
ما تنمحي مع مرور الوقت بصماته
تبقى لنا مفخرة والعز غايتنا
قبله ضياع وشتات وجمع ورماته
من غار قبل أمس جته اليوم غارتنا
ما يامن الراعي الكادح على شاته
يا راعي الذود لا تنهب رعيتنا
حكم كتاب الإله وكلف دعاته
قضى على الفتنة العميا وفاتتنا
وصرنا رجاله على رايه وشوفاته
وصارت على منهج التوحيد شوفتنا
الأمر شورى على الإيمان جلساته
رسالة العدل والحكمة رسالتنا
وصا عياله ولا نسيوا وصياته
وصا وصان الوصية كل قادتنا
عساه في ظل ربي وسط جناته
اللي حمى حدودنا حامي كرامتنا
