إيه يا نبع المعاني.. والفرح يا كل همّي
يا وجود الجود واحساسي وضحكات السنين
الغلا لجلك كتبته صادق بحروف دمي
بتركه يسكن بقلبي يا عبير الياسمين
كل شوقٍ صاح فيني يعشقك وارجع المّي
كل أوراق المحبة وأكتب الشوق الدفين
وكل حرف في قصيدي يذكرك ويقول أمّي
هي حياة الروح تملك كل اشواق الحنين
غالية وأعشق غلاك ولو يزيد الناس ذمّي
ما علي قلبي ملامه من كلام الحاسدين
كم شكيتي في حياتك لوعتي وأتعاب ضمّي
كم سهرتي لاجل عيني يا بعد منهو يبين
دامك الحب الحقيقي باذكرك واقول سمّي
ايه سمّي يا بعدهم واتركي قلبي حزين
الألم والهم فيني ساكن كمٍ وكمّي
والعنا عذب حياتي واتعبن حر الونين
لا تزيدي في همومي واتركي جرحي يدمّي
واضحكي ما بي حياتك تنقلب هم وأنين
ايه أحبك.. يا بعدهم يا بعد حزني وهمّي
يا بعد منهو بقالي يا غلاي بها السنين
