مبداي باللي كل حيٍّ ترجاه
بامره ينزل سحب من داخل غيوم
من بعدها نرفع عزا مع مواساه
لأسرة المالك بعد فقدان مرحوم
عبدالعزيز اليوم حنا فقدناه
الدايم الله ما على الفانية دوم
يالله عسى جنة الخلد مأواه
بشفاعة اللي عن عمل ذنب معصوم
يالله عسى كتابه يحمله بيمناه
وتجعل عوضنا في مشاكيل وقروم
عسى خلفنا بالحرار المضراه
جميعهم ما أخص لاكون مليوم
كتبتها باسم الذي لاعدمناه
ليا بادت الأفكار للحق زيزوم
منصور لا كل المنايا تعداه
وصالح وصالح جالهم ذكر وعلوم
كم واحد كانت ظروفه تحداه
ولجالهم من زايد الحمل مضيوم
وكانوا سبب في طش حمله وبلواه
وقفى سعيد بعدما كان مهموم
أمدح اسم مالك ومثله وشرواه
من روس قوم تفني الحيل والكوم
قولي فخر باسرة أهل العز والجاه
وقلته وفاء ما قلت بالقول ملزوم
