يالله طلبتك تبعد الخال عن ويل
وحقق لروحه في عياله مناها
وإجعل مزونك فوق قبره هماليل
وارفع مقامه فوق عالي سماها
وثقّل له الميزان واجزل له الكيل
وبرّد عليه الأرض وافسح ثراها
عبدالله اللي كلما أقبل الليل
دوّر على اللي حاجته ما قضاها
شهمٍ رفع نفسه عن القال والقيل
كل النفوس الحايره هو دواها
نفسه جموحه شامخه في ذرى سهيل
وكل الدروب المايله ما وطاها
يالخال بعدك شتت الفكر بالحيل
بعدك مصيبه خافقي ما قواها
كلً بفقدك منكسر خاطره حيل
والنفس لاقت من وفاتك عناها
ودي بشوفك لو بحلم وتخاييل
حتى تبث النفس حزنٍ غشاها
وصلاة ربي عدما بهر الهيل
على نبيّ طاعته ما نساها
وإعداد ما دارت ببيته فناجيل
مكانته بالجود ما أحدٍ ملاها
