جاك الشعر وزنه يسابق معانيه
في مدحك الأفكار تكثر صورها
مدحك علي واجب وانا لازم اقضيه
خال وبك الديره تزايد فخرها
وانا افتخر بك وامسِك العز بيديه
قرابةٍ من شافها يعتبرها
واليوم شعري طيرٍ بكف راعيه
طلعه وكيد وسِكته مختصرها
يا خال شعري كن طيبك يناديه
والمرجله ياأمير فعلك مهرها
لاجالك المحتاج زعلان ترضيه
الله من نفسٍ تعالج قهرها
خالي يشرف كل من جاب طاريه
والناس شافت برها مع بحرها
دربه لحاله ما خلق من يباريه
بالطيب كل سيوف عزه شهرها
الخير بأمر الله يتابع خطاويه
لامر ديره راح عنها دهرها
تدرون ليه الله يحبه ويعطيه
لأنه إلى شاف نعمه شكرها
