ماجيتك اشكي جيت أدوّر حنانك
مظلوم بالدنيا وانا منك مظلوم
حرام من ضحّى بعمره عشانك
تجزيه بالهجران والصد واللوم
وحرام من مثلي ولايوم خانك
تسقيه من يمناك علقم ومسموم
وحرام من خلّى الثريا مكانك
يمسي عليل ويصبح الصبح منجوم
وش ذنب من حبك وبالروح صانك
يبقى حياته كلها شبه معدوم
لا ياحبيبي كان يسمح زمانك
عمر الهوى ما صار خطه وتعلوم
تعال هات يديك عطني أمانك
قبل يقولون العرب مات مظلوم
