ياطير ياللي بالفضا تكفخ الريش
ولا شكيت الهم مثلي والاتعاس
ابيك دامك ضاري للمطاريش
معك التحيك ودها لظبي الاطعاس
اللي سباني وانعش الحال تنعيش
ثم صد عني وصابني منه هوجاس
وجسمي براه السقم ونومي تناويش
اسهر وكن النوم تحماه حراس
رح له عسى داره عليها رشاريش
من مزنةٍ بالوسم مع بعض نسناس
وقل له ترى خله فقد لذة العيش
وماله سوى شوفتك من بد هالناس
وقل له ترى هجره مصيبه وتعطيش
لقلبي وروحي والمشاعر والاحساس
وعطني جوابه فيه للنفس تبشيش
سطر حروفه بالغلا فوق قرطاس
