سر يا قلم وأكتب على بيض الأوراق
من هاجس دك العنا في عموقه
وأكتب على المظروف هاوي وعشاق
لايعترض له كل عاذل يعوقه
وأذكر يفز القلب لاناض براق
وسط المزون اللي تراهش بروقه
عقب البطا يحن قلبي ويشتاق
عسى هبايب نجد لمي تسوقه
يسقي نبات له زمانين ما فاق
يبست زماليقه ونشفت عروقه
للطير فرحة صبح في وقت الاشراق
تجدد الحانه وتكثر طروقه
والريم وسطه تتعب الرجل والساق
والحر تل من السعاده سبوقه
