بمناسبة مرور واحد وعشرين
فيها التقدم كل يوم يزيدي
في عهد منهو يخدم البيت والدين
قايد ورايه فالمواقف سديدي
يخضع لابوفيصل جموع عنيدين
يطيع له من كان راسه عنيدي
ريف اليتاما والضعوف المساكين
رجل سلام ودين علم وكيدي
وافي ونسل اللي على الطيب ضارين
تاريخهم من فضل ربي مجيدي
بالفكر والحكمه والانصاف ماشين
ودرب العلا منه يبون المزيدي
ولشعبهم عز وللضد صعبين
وحدودهم منها المعادي يجيدي
كم طوعوا من كان بالشر ناوين
عقب الغرور مقيدين بقيدي
ما أحصي ثنا فعولهم بالدواوين
عديت بعض وباقيٍّ المزيدي
