مرحوم يا عبد الله السلوم مرحوم
الله يعوضك عن حبانك خير منها
عساك من ما كنت تبذل ما أنت محروم
في ساعةٍ روحك توارت في كفنها
يا كثر من هو فيك موعودٍ وملزوم
ويا كثر ناسٍ روحتك جرحٍ غبنها
رحت وبقي طيبك وشعرٍ منك مقسوم
وقلوب ناس حبك الصادق سكنها
نبا وفاتك من سببها الفكر مهموم
لاشك هذي نهايةٍ ما فيه عنها
ما يدوم غير الله وغير الله ما يدوم
وأيامنا غاراتها محدٍ ومنها
أنا أشهد أن الحزن وسط الصدر مكتوم
والدمعة اللي غادرت عارف ثمنها
يالله يامن تجزي المسلم عن الصوم
انك تعوضه عن حياته خير منها
