قالوا البكى ما ينفعه يا فهيمين
قلت البكى.. يبكي وكل القوافي
وشلون ما ابكي والدمع يرثي العين
لا صار ليلي حزن والنور طافي
فرقا عزيز النفس لو عاش بالطين
رجل الرجال اللي على الدين وافي
يا بوي رحت وقلبي اليوم نارين
نار الأمل.. مع نار فرقاً تشافي
مرحوم.. رحت وراح قبلك كثيرين
ياليتني قبلك.. وثوبك لحافي
ولا أشوف اليوم قلب الموازين
أمسٍ ضحوك.. ويومٍ اسود وجافي
مانيب قايلها كلام امتمنّين
لكن حلم سمعي لبشرى التشافي
يا وقت حتى الحلم في موقفه شين
يقول مات اليوم.. صدق اعترافي
ياالله عسى يابوي جمع المحبين
في جنة الفردوس خير الملافي
ارجي من اللي معتلي فوق الاثنين
يحيل امرك بين نونٍ وكافي
وهذا كلامك يا عميد المعزين
ما مات من خلّف عيالٍ خلافي
يا رب تجعلني على قد حملين
وأوصّل المركب لحد المرافي
وتقوي النفس الحزينة بصبرين
واظن قول الموت معناه كافي
