ياللي نويت البعد والقلب مجروح
وقَّف.. ترى في خاطري لك قصيده
قصيدة في سطرها السر مفضوح
والهم يمسي والليالي عنيده
تجبرني الفرقا على غالي البوح
لا تبعد جروحي فراقك يزيده
يا مفارقه هالصوت لك صار مبحوح
تعبت انادي ناسي انك بعيده
بي هم فرقا والخفى منك مذبوح
مع هم خفاق تفجر وريده
حتى زماني كشر الناب بوضوح
وانهى ملامح فرحة لي وليده
خذ يا زمن روحي.. واذا راحت الروح؟
تبكي على فرقاه روحي وحيده
