تهافت على قلبي من الهم خمس اشكال
اهل الدموع وواهج الهم في صدري
على شان من حبه تسلسل وسم الحال
حكمني بدرب الحب والحكم من بدري
غزلت الغرام بسيرته لين صبري طال
تعانيت في وقتٍ مصالي وانا مدري
حسبت ان راع الحب يحتال ما ينحال
لكن السنين بتجربتها رمت قدري
تعلمت وشلون انتصر واطرح الخيال
الى قام طراد الهواء يرفع الشبري
عشقته من اقصى القلب ماهوب عشق عيال
مراسيم حبه داخل القلب من حدري
ابا اصبر على هجره ولو دمع عيني سال
لجل خده البراق وعيونه الخدري
على شانهن ترخص حياتي وكل المال
سهوم الرموش اللي غلاهن حفر قبري
