محلا المشي في الريضان والسجه
مع رجالٍ هشاهيشٍ مطاليقي
في ربيع لنقعه والنفل نجه
كاسٍ الأرض نوار و زماليقي
كل دو خلا نهيم مع فجه
من شمال الرويكب لازواريقي
فوق جيب ليا منه سمك عجه
يسبق اللي مقره بالشواهيقي
كنه السهم في ممشاه لا وجه
ما يداني لبنصه والتعاشيقي
صافي الصوت لاحنه ولا رجه
ما يسخن ولا جاء فيه تشريقي
نبتعد عن هل النمات والصجه
نترك اهل النقيلي والخنابيقي
وسعة الصدر نأخذ بالخلا هجه
ونتمثل بزينات الطواريقي
جلسة بالسعة ما نسمع الضجه
تبعد الهم والوسواس والضيقي
مع زحولٍ سوالفهم لها زجه
يمضي الليل في ضحكٍ وتعاليقي
