حي الطويله وحي اللي شراها لي
من واحد جابها بالسوق جالبها
حديدها واذكر الله كنه ريالي
كن الحيايا تطوي في مقاضبها
والى لفانا من المقناص زعالي
احد مدح بندقه واحد يعذربها
بشرتهم بالغدا من عقب مقيالي
والقايده مع مرد الكوع ضاربها
يالله وانا طالبك عطني هوى بالي
حمرا من الجيش طفاح جنايبها
لاروح الجيش حاديه اشهب اللالي
لاهي تورد وسيع صدر راكبها
اللي على كورها واللي بالحبالي
واحد على عيزها واحد بغاربها
لاروحت مع تخاتيخ الخلا الخالي
كن الذيابه تنهش من جنايبها
