يا ناعس الطرف كيف تمد لي جمره
من نار شوقك تبي تحرق بها احساسي
الشعر من حس والاحساس كيف امره
لو تشرب الحس يروي قلبك القاسي
تعال ناظر بحال اللي قضى صبره
يشد حبل الرجا في ثنوة الياسي
محتار بين الصباح او بهجة الصفره
واليا اظلم الليل يكبر شي في راسي
مالك عليه حقوق تسلط النظره
اسقيتك الحب مرة وانكسر كاسي
كتبتلك جملتين او باقية فقره
يتوه فيها القلم ويذوب قرطاسي
اخلصتلك ما بقيلك شي تختصره
واضحالك الوقت كنك للعرب ناسي
جملة وصالك بحر ومن البحر قطره
في وقفتي لاذكرتك عفت مجلاسي
