يا هلا يا مرحبا باللي ذراه
به تعيش المملكة عهدٍ ثمين
المليك اللي ملك شعبه غلاه
له غلا في قلوب خلق الله مكين
المواطن بالغلا يعلن ولاه
للمليك اللي على شعبه امين
ابو فيصل والله انه ما سواه
قايدٍ من عدله القاسي يلين
كل شعبه عايشين في حماه
عايشين في امانه آمنين
للوطن يسهر ونومه ما هناه
ودايمٍ قلبه على شعبه فطين
طور بلاده وسارت في لواه
تحت ظله لا يسار ولا يمين
التطور شاملٍ كل اتجاه
بكل شيء نحمد الله سابقين
وبالسياسة له شهد حتى عداه
كلهم له بالسياسة شاهدين
يا عساه يطول عمره يا عساه
للوطن واهل الوطن والمسلمين
