طال اغترابي والأمل شبه مفقود
دربي ضياع وضايع العمر به ضاع
عندي امل ان الامل صدق موجود
ماهو سراب مع ظما الوقت خداع
في عالمي كنه معقد ومحدود
حاير عنيد ومرتبك وسط الاوضاع
ابذل من اجله كل ما بي من الجود
حتى الذي موجود ما بين الاضلاع
باب السعادة له زمانين مسدود
فرحي دعيته للأسف رد ما طاع
حتى الطريق اللي يوديه مسدود
وإلا خطايه للقا تسرع اسراع
حتى العمر صارت به أيامي السود
وينك ووين الشوق يا قلب ملتاع
عندي امل ان الامل بي موعود
يرمي حباله في متاهات الاوجاع
عدا المسافة ما بقى بيننا حدود
وانا بشوفه صرت شفق وطماع
احساسي اكبر فيه من يوم وايعود
من الجنوب ايعود ساري بلا شراع
صحيح انا بعده غريب ومفقود
لكن بشوفه كن ماشي لي ضاع
