كل ما أذكر همستك يا نور عيني
القلم يخضع جبينه للكتابه
أنت ذكرى ما تغيرها السنيني
والهبايب تلمس اكفوف السحابه
أنت مثل الوردة اللي في يميني
خايف أجرحها تزودني كآبه
كل غصن يلمسه كفك يليني
مثل غيثٍ يروي الظامي شرابه
المحبة سرها بينك وبيني
والقمر يظلم سمانا في غيابه
اذكري ودٍ بنيته واذكريني
واذكري دار ربينا في ترابه
وارحمي قلب من الفرقا حزيني
واعذابه في غيابك واعذابه
كل يوم يزيد يا الغالي حنيني
والخفوق انصاب والهاجس سرى به
