بيدي مسحت ادموع عينك وقفيت
ما بيك ترجع في حياتي ثواني
هذا نصيبك يوم غيري تمنيت
لا يا حبيب العام ما جا كفاني
أمضيت في حبك سنين وتهقويت
غلطة سنيني بالرجاء والأماني
اسهرتني يا ماضي العمر واخطيت
واليوم ترجي في زمانك حناني
نفسي عزيزة تجرحه كل ما جيت
ما أبيك ترجع تجرح النفس ثاني
آسف على قلبٍ لك العام مديت
احسبك مثلي عايش في كياني
اسأل نجوم الليل وسهيل والبيت
تلقى الجواب وخافيات المعاني
قصة غرامٍ عشتها ما تهنيت
غاب الفرح عني وحلو التهاني
قلبٍ جرحته يا هوى البال ما اقديت
يدعي عليك اللي بحبك بلاني
كل ما ذكرت اللي مضى قلت ياليت
يا ليت قلبي عن هواكم نهاني
