أهلا هلا بك يا ملكنا وحياك
يا مرحبا بك عد ما غرد الطير
سلامتك ياللي حميدة سجاياك
ربي يحفظك من شرور المقادير
عم الفرح واستبشر الناس لقياك
وشع بسمانا نور ضي وتسافير
ياعل ربي يسقي السيل ما طاك
وينبت بجال الدرب ورد وتزاهير
وياعل ربي يحفظك لاعدمناك
وياعل منتب للحزن والمكادير
يجزاك خير ويغفر الله خطاياك
ربٍ على تصريف أمره تدابير
حنا نحبك يا فهد نطلب رضاك
حنا وهبنا الروح حبٍ وتقدير
حنا يابوفيصل ترانا ليمناك
نمشي بطوعك ما نهاب المحاذير
حنا ولفنا يا ملكنا مزاياك
فيك الكرم والجود والطيب والخير
مهما نقول من الشعر ما وفيناك
نعجز ويعجز وصفنا والتعابير
ويالله ياللي كل عبدٍ ترجاك
تحفظ ملكنا من شرور المقادير