يا اللي زعلت بدون موجب للزعل
مافيه داعي للزعل قبل الرضا
متنرفزٍ من دون ذنب ومنفعل
كن يتطاير من هدب عينك شضا
وشلون معيه للمشاكل تفتعل
ومن ضيقتك ساعة يضيق ابي الفضا
الله بقلبي غير حبك ما جعل
أنت الوحيد اللي على أعجابي حضا
منك المشاعر في صفوقي تشتعل
ماكنها اللا جمر من جمر الغضا
صابر وأقول أحيان ليت ويالعل
تحس مثلي في صفوقك باللضا
حتى تعرف ان الغلا قول وفعل
ماهو فقط يا صاحبي قدر وقضا
لا وهني اللي معك بالحب عل
وأعاد بعد الهجر ذكرى مامضا
يوم الليالي بيض بالوصل وشعل
ويبدي على وجهك علامات الرضا
