وحيدٍ ما معي غير الظلام وهاجس التفكير
مسافر في متاهات الخيال وعالم الحيره
بعثني خافقي لآخر دروب الشك والتفسير
مدام الوقت ما حقق طموحي بنهي السيره
مدام ان الزمان اظلم وانا مالي بوقتي غير
ادوس الهم واترحم على فايت مشاويره
سواليف الهوى كذبه ومنها كل شيء يصير
وانا ابني من صغر سني طموح ارجي تباشيره
خذتني سالفة عشق الهنوف وبين التقصير
لها من قلبي الصادق شعور بان تأثيره
ابطوي آخر احلام الطفولة وابتدي وآسير
واقول ان جاد لي حظي عساي افهم تعابيره
سايب من طعن قلبي بهجره وارخص التقدير
رحل ما حن لي قلبه ولا بانت معاذيره
وانا من ساعة الفرقا وعيني راجيه بالخير
ولا فكرت في وقفة حسود وعامل الغيرة
