من غلاك أصبر على موعد لقاك
والله إن الصبر عذّب مهجتي
آه يا طول الليالي في هواك
السهر حزني وسبة دمعتي
أرتجي الأيام تجمعني معاك
وانتظر صلح العمر في دنيتي
الجواهر در وأنت الله حلاك
جوهرة عمري وزينة فرحتي
كل حسنٍ يا قمر ربي عطاك
وأنت الأجمل دايمٍ في نظرتي
شفت الأرض شلون تحسب لك خطاك
والمطر وشلون يشبه لهفتي
الدفا مرهون في جمرة شفاك
والبرَد بالبرد يفضح رعشتي
وانت بعيونك سبب لأول هلاك
وأنت آخر من تلوعه لوعتي
إيه بصبر وانتظر موعد لقاك
حيلتي ضاعت وهذي حيلتي
