غلطة عمر.. حلفتني وقلت ناسيك
والا انت أغلى من حياتي عليّه
صديت عنك وكل مابي يناديك
وجمرة عنادي وسط قلبي خفية
حاولت اكابر واتجاهل ترجيك
يوم انها ضاقت بعيني الفضية
وشلون عفتك أو تهاونت اخليك
ماني مصدق يا بوضحكة عذيه
ولا كنت واعي يوم انا قلت ما بيك
الين طاحت دمعتي في يديه
راحت ليالي الحب.. راحت لياليك
اللي مضت بيني وبينك سويه
واليوم انا ادري دمعتي ما ترضيك
ضيعتك وعذبت روحي بيديه
مدري اعزي النفس مدري اعزيك
غلطة عمر.. والحب هو الضحية
