ياريح عوّد واتجه شرق يا ريح
واحمل على متنك مشاعر سعودي
يا ريح ما تبغى جواز وتصاريح
بامر الولي تقطع جميع الحدودي
تكفى ما دام انك بعيد المراويح
انص السعودية مرابي اجدودي
وزف الغيوم اللي بدربك مرازيح
سقها لنجد وتستلمها الرعودي
من جيتها هوّد وبث التفاريح
ارجوك رقصّ كل شجره وعودي
وفوق الفياض اللي زهرها مطاريح
من ريحته خذ ما يطيب ويجودي
ومر الشعيب وعطّره بالينافيح
وطيّب معك يا ريح عرق النفودي
عطها نسيم ولا يجي فيه تجريح
خلك على ما قالوا هناك نودي
وبارك لها ضلع وحزم والصحاصيح
بيوم الوطن ونثر عليها الورودي
