يا حبيبي شاعرك لا باح سده
ما تسليه اللحون السامريه
كم هجد طيفك حلا نومه ولده
وكم سرى ليله وليل الشاذليه
وكم تعطر من غلاك وفاح نده
وكم تعذر لجل شوفك من خويه
وكم مشى دمع الجفا من فوق خده
وكم تعذب من هواك ابلا خطيه
وكم قعد يبني لك الحلم ويهده
لين شافك مثل ليلى العامريه
وكم كم وكم يذكره ويعده
عاشقٍ ضحى بنفسه لك ضحيه
المعزة والوفا والطيب كده
صادقٍ جاء يدفعه لك حسن نيه
ما درى انك يالطيف الروح ضده
لين شاف الغدر في عين ابدويه
ومن يلوم الشاعر اللي باح سده
لاسرى ليلة وليل الشاذليه
