زادت جروح القلب من عقب جراح
طير به الصقار شاف الوناسه
مغتر وكامل بالوصايف له ارتاح
لافرع الصارم تروح التعاسه
قرناس ثالث يقبل اللعب ومزاح
يشقلب الملواح زايد فراسه
فعله وكاد ويقلب الحزن بأفراح
لاهده الصقار من قو باسه
مهما يطير الخرب لو بعد ما راح
ينكسه جراح والريش حاسه
لا صحت له بالصوت حياك بصياح
يكفخ الجنحان ويهز راسه
عسى العوض عفار والهم ينزاح
بكر تمام وطيب الطيب ساسه
