مدري علام السعادة لا اقبلت صدّت
والصبر لا طال مدري ليه ما اطيقه
فزيت فزة ربيطٍ صيدته عدّت
فز متحمّس وردنه مسابيقه
كثر الغرابيل بالايام ما سدّت
ومن القهر كفى ادما كف تصفيقه
الله من ضيقةٍ كل ما طلعت ردت
فحيت من ضيقها وتزيدني ضيقه
عاشت معي واكبرت بالجوف وامتدّت
لين اهلكتني وحلقي نشفت ريقه
إن قلت راحت اسبقت الهرج وارتدت
وتعلقت بالحنايا العوج تعليقه
لكنها ما خذت مني ولا ودت
والله يا رجم عسيرٍ صعب لا أويقه
ولا من رجلي على رجم الشقا عدت
أخذت لي فيه تغريبة وتشريقه
عيني بعيدٍ نظرها ودون مالدّت
والحر ما يسكن إلا في شواهيقه
وعني علوم الردى ما عمرها عدّت
علمٍ موثق وهذى من مواثيقه
وترى بعيد المدى دنياه ما حدّت
وعلى الله الواحد المعبود توفيقه
