رح لا تلوم القلب رح لا تلومه
لومك على قلبٍ من الشوق خالي
والا أنت حبك بيناتٍ رسومه
في وسط قلبٍ مابه الا انت غالي
خافيه باح وجاك بأقصى علومه
ليتك تقدر حال وقتي وحالي
ياما سهرت الليل اراعي نجومه
مرت عليّ ايام حزن وليالي
ناسٍ عطاها الله وناس محرومه
وانا انتظر وقت القساما صفالي
لاطاب لي ليله ولا طاب يومه
عانيت ما عانيت بأول وتالي
مات الفرح قدام يعلن قدومه
حين اتذكر يا ترى وش بقالي
اللي جنيته من غرامك همومه
وانت السبت في كل شيء جرالي
جفني من اللوعات مالذ نومه
ما كنت افكر يوم تقطع وصالي
من يعشقك هيت شامخ عزومه
قلبك خلي وبالهوى ما تبالي
رح لا تلوم القلب رح لا تلومه
لومك على قلب من الشوق خالي
