بديت أنظم من أشعاري مشاعر قلبي المجروح
ولاودي أبيِّن لك هموم القلب وجراحه
إذا شفتك أحس إني بكامل صورتي مفضوح
تحس بضيقتي لو كنت أقول النفس مرتاحه
سكت بداخل أعماقي ملكت القلب ويَّا الروح
ونفسك بين فكر.. وبين قلب وروح سواحه
أحبك حب ماحبه بشر من عهد أبونا نوح
وعليك أغار والغيرة ياروح الروح ذباحه
عليك اغار وأتقطع من الغيرة وأجيك أبوح
أقول عيونك السود، خذت من قلبي أفراحه
سبب رمشٍ مظلها يزيد الملح في المملوح
إذا شفته ذكرت الله في ليله وإصباحه
